Här President,

Esou ewéi den Artikel 80 vum Chambersreglement et virgesäit, biede mir Iech, dës parlamentaresch Fro un den Här Minister fir bannenzeg Sécherheet an un d’Madamm Inneminister weider ze leeden.

Déi zoustänneg Ministeren haten an hirer Äntwert op eng parlamentaresch Fro confirméiert datt et den 22. Juni 2021 eng informatesch Pann gouf déi Repercussiounen op den Einsatzleitsystem (ELS) an d’Noutruffnummer 113 vun der Police hat.

Eisen Informatiounen no funktionéiert d’Software déi benotzt gëtt nach ëmmer net richteg an e gi permanent Problemer. Dee selwechte System géif anscheinend och an den USA benotzt an och do kënnt et wuel des Ëfteren zu Ausfäll.

An dësem Kontext géife mir gäre folgend Froen un d’Regierung stellen:

1. Gëtt fir den ELS vun der Police d’Software vun Intergraph benotzt ?
2. Wa jo, ass d’Regierung driwwer informéiert datt et och am Ausland Problemer mat dëser Software gëtt ?
3. Kann d’Regierung confirméieren datt et och nom 22. Juni 2021 Problemer mam ELS vun der Police gouf ?
4. Wa jo, war zäitweis déi permanent Disponibilitéit vum ELS nët garantéiert ?
5. Wat sinn déi konkret Problemer vum besote System a wéi laang brauchen se am Fall vun enger Pann fir erëm operationell ze sinn ?
6. Wéi ass virgesinn datt all zoustänneg Acteuren handelen am Fall vun enger Pann vum System ?
7. Fir wat hunn den 112 an den 113 ënnerschiddlech Systemer ?
8. Ob Basis vu wéi enge Critèrë gouf de System ausgewielt ?
9. War deemools scho bekannt datt et Probleemer ginn ?

Här President, mir bieden Iech eisen déifste Respekt unzehuelen.

Léon Gloden                            Laurent Mosar           Marc Lies

Deputéierten                           Deputéierten               Deputéierten

Här President,

Esou ewéi den Artikel 80 vum Chambersreglement et virgesäit, bieden ech Iech, dës parlamentaresch Fro un den d’Madamm Gesondheetsministesch weider ze leeden.

Wéi et aus engem Lieserbréif am Luxemburger Wort vum 20. September 2021 ervir geet, misst een Fach- an Informatikswëssen matt bréngen vir sech iwwerhaapt mol kënnen e RDV vir en IRM un ze froen. Esou beschreift d‘ Persoun an hirem Schreiwes wéi se vum Sekretariat „Radiologie“ vum Groupe HRS gesot krut, se misst sech selwer e RDV iwwert Doctena/Internet huelen, vir net grad dee lescht méiglechen Datum ze kréien. Nieft dem Informatikswëssen dat een misst matbréngen, wier et net nëmmen eng medezinesch Erausfuerderung vir emol virdéicht dee richtegen IRM ze fannen, mee et géif een och klinesch Detailer gefrot ginn déi een als Patient oft net wéisst. Nodeems Dokument dann ausgefëllt wier misst een et dann un d’Klinik per E-Mail schécken, wat vir e puer Leit net esou einfach wier wéi vir anerer. An deem Sënn freet d‘Verfaasserinn vum Lieserbréif sech ob net jiddereen déi selwecht Rechter a Méiglechkeet ob medezinesch Hëllef zu Lëtzebuerg hätt.

An dësem Kontext géif ech gäre folgend Froen un d’Regierung stellen:

• Kann d’Regierung matdeelen aus wéi engem Grond een iwwert Doctena méi schnell en RDV kritt vir en IRM am Groupe HRS wéi wann een deen direkt am Sekretariat ufreet ?
• Wëssend datt et Leit ginn déi net esou gutt mat informateschen Mëttelen kënnen em goen wéi anerer oder tout court keng besëtzen, ass d’Regierung der Meenung datt soumat jiddereen d‘Méiglechkeet ob medezinesch Hellef huet zu Lëtzebuerg ?
• Aus wéi engem Grond muss een beim Ausfëllen vun der Online-Ufro medezinesch Detailer uginn ? Ass d’Regierung sech bewosst datt et Patienten ginn déi dës Detailer net hunn ?
• Opgrond vun dësen Punkten ass d’Regierung der Meenung datt d’Prozedur misst iwwerschafft ginn vir en IRM-RDV ze kréien ?

Här President, ech bieden Iech main déifste Respekt unzehuelen.

Léon Gloden

Deputéierten

Herr Präsident,

gemäß Artikel 80 der Geschäftsordnung der Abgeordnetenkammer bitten wir Sie, nachfolgende parlamentarische Anfrage an den Herrn Sportminister, an den Herrn Bildungsminister und an den Herrn Finanzminister weiterzuleiten.

In einem am 14. September 2021 in der Tageszeitung „Tageblatt“ veröffentlichten Artikel wird über die Finanzierung des Velodroms in Bad Mondorf berichtet. Demnach will der Staat nun 100 Prozent des Projektes finanzieren, und nicht nur 70 Prozent wie ursprünglich geplant. Damit müsste ein neues Gesetz in der Abgeordnetenkammer verabschiedet werden. Darüber hinaus sollen noch nicht alle Grundstücke, die für den Bau der „Ecole internationale Mondorf-les-bains“ gebraucht werden, im Besitz des Staates sein. Die Schule und der Sportkomplex mit Velodrom sollen in unmittelbarer Nähe voneinander entstehen.

Vor diesem Hintergrund möchten wir folgende Fragen an den Herrn Sportminister, an den Herrn Bildungsminister und an den Herrn Finanzminister stellen:

• Das Projekt Velodrom zieht sich in die Länge. Wie weit ist das Projekt nun fortgeschritten? Welche Gründe erklären neben der Corona-Pandemie die Verzögerung?
• Ist eine Gesetzesvorlage, um eine 100-Prozent-Finanzierung des Projektes zu ermöglichen, in Vorbereitung? Wann wird der Text bei der Abgeordnetenkammer eingereicht?
• Wie viele Grundstücke müssen noch vom Staat erworben werden, um die Bauarbeiten der „Ecole internationale Mondorf-les-Bains“ zu starten? Warum konnten diese Grundstücke bis dato noch nicht erworben werden?

Es zeichnen hochachtungsvoll,

Léon Gloden                                        Nancy Kemp-Arendt

Abgeordneter                                              Abgeordnete

Här President,

Esou ewéi den Artikel 80 vum Chambersreglement et virgesäit, biede mir Iech, dës drénglech parlamentaresch Fro un den Här Minister fir bannenzeg Sécherheet weider ze leeden.

Déi lescht Zuelen a Statistiken zur Kriminalitéit an Delinquenz am Grand-Duché huet den Här Minister zesumme mat de Responsabele vun der Police Enn Mäerz dëses Jores presentéiert.

An de leschte Wochen huet een awer den Androck datt et virun allem zu enger ganzer Rei Iwwerfäll am Dag komm ass.

An dësem Kontext géife mir gäre folgend Froen un d’Regierung stellen:

• Kann den Här Minister eis detailléiert Zuelen zur Evolutioun vun der Kriminalitéit an Delinquenz hei am Land säit Mäerz 2021 ginn, opgeschlësselt no der Aart vun de Strofdoten, de Stied, de Gemengen an de Regiounen am Land?
• Wann nee, aus wéi enge Grënn sinn dës Zuelen net disponibel?

Här President, mir bieden Iech eisen déifste Respekt unzehuelen.

Laurent Mosar                                                     Léon Gloden

Deputéierten                                                       Deputéierten

Här President,

Esou ewéi den Artikel 80 vum Chambersreglement et virgesäit, bieden ech Iech, dës parlamentaresch Fro un den Här Minister fir de Mëttelstand, d’Madamm Inneminister an d’Madamm Ëmweltminister weider ze leeden.

Déi rezent Iwwerschwemmungen huet gewise wéi séier am Fall vun esou Naturkatastrophen, nieft dem Asaz vu CGDIS, Arméi, staatleche Verwaltungen a Gemengen, Hëllef ka mobiliséiert gi vu privaten Entreprisen aus dem Beräich vum Bau, der Landwirtschaft oder dem Wäibau, déi mat hire Maschinne gehollef hunn ze raumen. Ouni dës wäertvoll Ënnerstëtzung vun alle concernéierten Acteuren, hätten d’Opraumaarbechten net esou séier kënnen organiséiert ginn.

An dësem Kontext géif ech gäre folgend Froen un d’Regierung stellen:

1. Kéint d’Regierung sech virstellen datt Privatentreprisen déi sech bereet erklären hire Maschinnen-Park am Fall vun esou Naturkatastrophen zur Verfügung ze stellen, e Subside kéinte kréie bei der Uschafung vun neie Maschinnen déi fir esou en Asaz gëeegent sinn?
2. Wann nee, fir wat net?

Här President, ech bieden Iech mäin déifste Respekt unzehuelen.

Léon Gloden

Deputéierten

Här President,

Esou wéi den Artikel 83 vum Chambersreglement et virgesäit, biede ech Iech dës parlamentaresch Fro un den Här Minister fir bannenzeg Sécherheet weiderzeleeden.

An engem Bäitrag op RTL gouf e Virfall, dee sech virun 3 an engem halwer Joer zu Lausduer zougedroen huet a bei deem, ee Polizist ëm d’Liewe koum, an eng Polizistin liewensgeféierlech blesséiert gouf, opgeschafft.

Am Reportage gëtt e.a. drop verwisen, dass et innerhalb vun der Arméi ee Service gëtt, dee sech ëm déi Hannerbliwwen vun sou trageschen Accidenter, këmmert. Eppes wat et aktuell an der Police an där Form net géif ginn.

Ech wéilt duerfir folgend Froen un den Här Minister fir bannenzeg Sécherheet stellen :

• Kann den Här Minister dës Informatiounen confirméieren ?
• Wéi ass d’Prise en charge vun Hannerbliwwenen bei der Police organiséiert ? Iwwer wéi eng Dauer hunn Hannerbliwwener « Recht » op dës Prise en charge ?
• Plangt d’Regierung den Hannerbliwwenen ee spezielle Service, ggf. innerhalb vun der Police respektiv administratiouns- a serviceiwwergräifend, zur Säit ze stellen ? A wa jo, a wéi engem Zäithorizont ?

Mat déifstem Respekt,

Léon Gloden
Deputéierten